EUSKARAREN EGUNA
Elizalden Euskararen Nazioarteko eguna ospatu dugu euskal karaoke dibertigarri bat antolatuz! Gainera, ikasleek pankarta polit bat marraztu dute Madalensoro girotzeko.
ARTISTA BIKAINAK GURE IKASLEAK, BAI MARRAZTEN ETA BAITA KANTUAN ERE!
SUKALDARITZA TAILERRA
Sukaldaritzako tailerrean, errezeta desberdinak erabilliz, begira ze entsalada eta postre goxoak egin dituzten gure sukaldariek!
ON EGIN!!
AZAROAK 25
Egun hauetan, eskolan, emakumeen aurkako indarkeria desagerrarazteko nazioarteko egunari buruzko lanketa desberdinak egiten ari gara.
1.mailan, adibidez, marrazki polit bat egin dute, eskolako sarreran kokatu dutena. Klikatu irudia bideoa ikusteko!
EZ UTZI INORI HEGOAK MOZTEN!
GAU BELTZA
Gau beltza, Urriaren 31an ospatu genuen Elizalden. Gau beltzaren inguruko taldekako lehiaketa egin genuen eta 1B gelako ikaskideak atera dira irabazle.
Hamaiketako ederraz gozatu ahal izan zuten.
ZORIONAK!!!
KAIETANORI AGURRA
Kurtso hasiera honetan
jubilatzearen moda
Okamirekin batera
egon zinenez gustora
lana nahikoa eginda
Kaie badoa kanpora
Irakasle kontu emaile
arlo guztitan ganora
klasea luze ematen du
etorri ohi zaigu gogora
xuhurkeriagatikan
kontuak jaitsita zerora
bizikleta hartu ta segi
Tourrera edo Girora
Lankide/pertsona gisa
zu beti hamarretik gora!
OKAMI-RI AGURRA
| "Aurretik zuzendari, orain irakasle gai honen inguruan, nahi dizugu galde. Zein da zure kuttuna, zein ikasle talde? ezingo duzu jakin ingo dezu ta alde!" | "Hemendik jende pila pasatu da, aizu! ta Okami beti hemen, lanean jo ta su. Garaia iritsi da disfruta ezazu, gure gogoan beti alai eta maisu." |
LIBURU ZERRENDA
2023-2024 ikasturteko liburu zerrenda ondorengo loturan eskuragarri aurkitzen da:
DBH3 IRRATIRA
Maiatzaren 23an, DBH 3Akoak, eta maiatzaren 25ean DBH 3Bkoak Oiartzun irratira egin zuten bisita. Euskara ikasgaian landu eta sortu dituzten albisteak kontatu zituzten bertan. 3Akoen saioa astelehenean 11:30ean emitituko da eta 3Bkoena 12:00etan. Dena den, gero Oiartzun irratiak spotifyn jarriko du denon eskura. Ikasleek kontatutako albiste guztiak ez dira asmatutakoak, badago egia denik ere... Zein izango ote da? Irratsaioa entzun eta ea asmatzen duzuen!
ELIZALDE EGUNA
Igande honetan, Maiatzak 21, Elizalde eguna ospatuko da.
Egitarau oparoa prestatu da, animatu parte hartzera!!!!
AÑARBEKO URAK
Maiatzaren 2an DBH1eko ikasleak uraren gaia lantzeko Añarbeko uren lan eremura gerturatu ginen. Gure iturrietan topatu dezakegun ura nondik nora eta nola dabilen ikusi dugu bertatik bertara.
Horretarako goizean Goizuetara gerturatu ginen eta bidaia luzea eta zorabigarria egin zitzaigun. Bertan, hezitzaileekin Añarbeko presa ikusi eta presaren erraietan ibili ginen. Orokorrean, uraren erabileraren eta konkretuki presaren hainbat datu jaso genituen. Baita presaren estruktura eta segurtasun mekanismoak ikusi ere. Energia hidroelektrikoa non eta nola sortzen zen ere ikusi genuen. Hamaiketakoa egin ondoren, Petritegira hurbildu eta tratatu gabeko ur gordina, guk edateko moduan nola prestatzen zuten ikusi genuen.
Eguraldi ederra medio, goiz atsegina igaro genuen.
